Şagirdlər müxtəlif proqramlar üzrə ekspertlər tərəfindən təşkil olunmuş müzakirələrdə - FOTOLAR
Məktəb şagirdləri Ümumdünya Səhiyyə Təşkilatının (ÜST) Azərbaycandakı Ofisini ziyarət edib və müxtəlif proqramlar üzrə ekspertlər tərəfindən təşkil olunmuş müzakirələrdə iştirak ediblər.
QHT.az xəbər verir ki, Azərbaycan Britaniya Kollecinin şagirdləri ilə keçirilən müzakirələr peyvəndlərin əhəmiyyəti, psixi sağlamlıq, səhiyyədə fövqəladə hallar, ictimai səhiyyə, tibb təhsili, o cümlədən ÜST-nin Azərbaycanda ümumi fəaliyyətinə dair bir çox mövzuları əhatə edib.
Görüş zamanı ÜST-nin Azərbaycandakı nümayəndəsi Dr. Hande Harmancı düzgün əl gigiyenasının əhəmiyyətini vurğulayaraq mövzu ilə bağlı praktiki məşğələ keçirib. Görüşün sonunda şagirdlərə iştirak sertifikatı və kiçik hədiyyələr təqdim olunub.
Pərvanə Fərhadqızı