Masallıda yeni məktəb binası istifadəyə verilib
Qəzvinoba kənd ümumi orta məktəbinin yeni binasının açılışı
Masallı rayonunun Qəzvinoba kənd ümumi orta məktəbi üçün tikilmiş yeni məktəb binası şagird və müəllimlərin ixtiyarına verilib.
Sentyabrın 10-da, məktəbin açılış mərasimində Masallı Rayon Rayon İcra Haklimiyyətinin başçısı Araz Əhmədov və digər rayon rəsmiləri, kənd sakinləri, şəhid ailələri iştirak ediblər.
Yeni məktəbin açılışı münasibətilə kənd sakinlərini, eləcə də məktəbin pedaqoji kollektivini təbrik edən rayon rəhbəri onlara yeni dərs ilində uğurlar arzulayıb.
Sakinlər və təhsil işçiləri ölkədə təhsilə göstərilən diqqət və qayğıya görə dövlətimizin başçısına minnətdarlıqlarını bildiriblər.
Məlumat üçün bildirək ki, Lənkəran-Astara Regional Təhsil İdarəsinin tabeliyində olan Qəzvinoba kənd ümumi orta məktəbinin yeni binası üçmərtəbəli, 180 yerlikdir.
Akif AĞAYEV