“Sağlam psixologiya ilə böyümək və inkişaf etmək uşaqların hüququdur” mövzusunda təlim keçilib
Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Həssas əhali qruplarından olan şəxslər üçün Sığınacaq və Sosial Reabilitasiya Müəssisəsində Uşaq hüquqları aylığına həsr edilən görüş təşkil edilib. Tədbirin keçirilməsində məqsəd sağlam psixologiya ilə böyümək və inkişaf etmək, fərdlərin emosional və psixi rifahını dəstəkləmək, onları mənfi təsirlərdən qorumaq və sağlam inkişafını təşviq etməkdir. Təlim zamanı uşaqların sağlam psixologiya ilə böyüməyə ehtiyacı olduğunu, bioloji amillərlə yanaşı, sosial amillərin əhəmiyyətli rol oynadığı vurğulanıb. Həmçinin “Sağlam psixologiya ilə böyümək və inkişaf etmək uşaqların hüququdur!” mövzusunda slaydlar izlənib və ətraflı izahlar verilib