Android əməliyyat sisteminin köhnəlmiş versiyaları ilə işləyən qurğular bütün dünyada geniş yayılmasına görə digər qadcetlərlə müqayisədə hakerləri daha çox maraqlandırır. Bu barədə Rusiyanın “Kasperski Laboratoriyası” tədqiqat mərkəzinin rəhbəri Dmitri Qalov bildirib. O qeyd edib ki, 2009-2023-cü illərdə istifadəçilərin sayına dair statistika göstərir ki, Android 2012-ci ildə populyarlıq baxımından iOS-u ötüb və indiyədək liderliyini qoruyub saxlayaraq, 2018-ci ildə maksimum istifadəçi bazasına çatıb. Bu, potensial qurbanların sayının xeyli çox olması səbəbindən Android əməliyyat sistemini təcavüzkarlar üçün daha cəlbedici edir.
QHT.az xəbər verir ki, Qalov izah edib ki, bazarda “Android”in köhnəlmiş versiyaları ilə istehsal olunan büdcə cihazlarına tələbat onların texniki təchizatının aşağı olması ilə bağlıdır. Bu, dünyada çoxlu sayda istifadəçinin əməliyyat sisteminin bu cür köhnəlmiş versiyaları olan cihazlardan istifadə etməsi ilə nəticələnir və bu, ən son təhlükəsizlik yeniləmələrinin olmaması səbəbindən onları həssas edir: “Hakerlərin Android cihazları ilə maraqlanmasının digər səbəbi sonuncuların əməliyyat sisteminin ən son versiyalarına daha tez yenilənməsi, yeni funksiyalar və təhlükəsizlik yamaları əldə etməsidir. Mobil əməliyyat sistemləri üçün antivirus proqram təminatının tərtibatçıları yalnız Android-in ən yeni versiyalarını qorumaqla məhdudlaşmır, həm də köhnə versiyalarla işləyən cihazların təhlükəsizliyini təmin edirlər”.
Pərvanə Fərhadqızı
