Ət satışında şəffaflıq və təhlükəsizliklə bağlı əvvəlki paylaşımım böyük maraq doğurdu. Bir qida texnoloqu və QHT rəhbəri kimi, bu sahədə ictimai nəzarəti daha müasir və rəqəmsal səviyyəyə qaldıra biləcək şəxsi ideyamı sizinlə bölüşmək istəyirəm.
- İDEYANIN MAHİYYƏTİ NƏDİR?
Təsəvvür edin: ət satışı məntəqələrində və qəssabxanalarda xüsusi monitorlar quraşdırılır. Alıcı həmin monitorda aldığı ətin: - hansı rəsmi kəsim məntəqəsində kəsildiyini;
- hansı tarixdə kəsildiyini və satış məntəqəsinə gətirildiyini;
- baytarlıq və sanitariya nəzarətindən keçməsi barədə məlumatları görə bilir.
Bu məlumatlar QR kod və ya digər rəqəmsal izləmə sistemi vasitəsilə də təqdim oluna bilər. - BU SİSTEM BİZƏ NƏ QAZANDIRA BİLƏR?
- İstehlakçı etimadının artırılması
Alıcı aldığı ətin mənşəyi və təhlükəsizliyi barədə daha ətraflı məlumat əldə edər. - Dürüst sahibkar üçün üstünlük
Qaydalara əməl edən sahibkar şəffaflığı nümayiş etdirərək müştərinin etimadını qazana bilər. Qanunsuz kəsimlərin qarşısının alınmasına dəstək
Ətin mənşəyinin izlənməsi və məlumatların şəffaf təqdim olunması qanunsuz kəsim və satış hallarının qarşısının alınmasına kömək edə bilər.
Dünyanın müxtəlif ölkələrində məhsulların istehsaldan istehlakçıya qədər izlənməsi üçün rəqəmsal texnologiyalardan istifadə olunur. Azərbaycanda da belə bir “Şəffaf Monitor” modelinin pilot layihə kimi sınaqdan keçirilməsi qida təhlükəsizliyi və istehlakçı məlumatlandırılması baxımından maraqlı yanaşma ola bilər."Araz" Heyvandarlıq Südçülük İctimai Birliyin Sədri Novruz Əliyev
