Son bir neçə ayda 1600-dən çox toxuculuq fabriki bağlandığı üçün Pakistan iqtisadiyyatı əhəmiyyətli bir geriləmə ilə mübarizə aparır.
QHT.az xəbər verir ki, Pakistanın sənaye istehsalı sektoru, dünyanın hər yerində olduğu kimi, qlobal istehlakın azalmasından və enerji xərclərinin artmasından əziyyət çəkir. Lakin, spiral inflyasiya və istehsal xərcləri səbəbiylə Pakistanda bir çox tekstil fabriki fəaliyyətini dayandırdı və kütləvi işsizliyə səbəb oldu.
1600-ə yaxın tekstil fabrikinin bağlanmasından sonra 700 mindən çox işçi işini itirib. Bu, ölkənin ümumi ixrac gəlirlərinin 60%-ni təşkil edən ölkənin bütün tekstil fabriklərinin üçdə birinə bərabərdir.
2022-2023-cü illərdə Pakistanın tekstil ixracı 15 faiz azalaraq 16,5 milyard dollar olub. Halbuki, cəmi iki il əvvəl ölkə toxuculuq ixracının 25 milyard dollara çatacağı proqnozlaşdırılan yüksək inkişaf trayektoriyasında idi.
Toxuculuq sənayesi uzun müddətdir ki, Pakistan iqtisadiyyatının təməl daşı olub , onun ÜDM- inə əhəmiyyətli dərəcədə töhfə verir və işçi qüvvəsinin böyük bir hissəsini, təxminən 20 milyon insanı işlə təmin edir.
Beləliklə, yüzlərlə fabrikin bu yaxınlarda bağlanması təkcə milyonlarla insanın dolanışığını pozmur, həm də millətin üzləşdiyi mövcud iqtisadi çətinlikləri daha da artırır.
Pərvanə Fərhadqızı
