ABŞ-ın Massaçusets Texnologiya İnstitutunun (MIT) fizikləri qaranlıq maddədən ibarət mikroskopik qara dəliklərin Marsın orbitinə təsir göstərə biləcəyini irəli sürüblər.
QHT.az xəbər verir ki, qaranlıq materiya, elektromaqnit spektrində görünməsə də, kosmik cisimlərə cazibə qüvvəsinə malikdir və bu, alimlərə onun mövcudluğu haqqında fərziyyə irəli sürməyə imkan verir. Tədqiqatçıların fikrincə, ibtidai qara dəliklər Böyük Partlayışdan dərhal sonra yaranıb və bütün Kainata səpələnərək kiçik fəzalarda böyük miqdarda kütlə cəmləşdirə bilərdilər. Bu obyektlər qaranlıq maddənin təbiəti ilə bağlı bəzi sirləri izah edə bilər.
Önümüzdəki onilliklərdə texnologiya inkişaf etdikcə, elm adamları daha çox məlumat toplamağa və bu fərziyyəni təsdiq və ya təkzib etməyə ümid edirlər.
Pərvanə Fərhadqızı
