Araşdırma göstərdi ki, pişiklərin divan cırma istəyi onların stress səviyyəsi ilə əlaqədardır.
QHT.az xəbər verir ki, pişiklərin pəncələrini kəskinləşdirmək üçün taxta üzərində cızmaq təbii davranışdır, lakin mənzildə taxta olmadığı zaman mebel bu məqsəd üçün istifadə edilə bilər. Ankara Universitetinin tədqiqatçısı Dr. Yasemin Salgirli Dəmirbaş bildirib ki, müəyyən ekoloji faktorlar pişiklərin cızma tezliyinə təsir edir. Evdə uşaqların olması və gecə fəaliyyəti mebellərdəki cızıqların artmasına səbəb olur.
Tədqiqatçılar stressin əsas səbəb olduğunu və uşaqların varlığının pişiklərin stress səviyyəsini artırdığını söyləyirlər. Uzun müddət oynamaq da pişiklərin stresini artıran amillərdəndir. Dr. Salgirli Dəmirbaş, pişiklər üçün təhlükəsiz gizlənmə yerləri və geniş oyun imkanlarının stressi azaltmağa kömək etdiyini vurğulayıb. Mütəxəssislər, müvəffəqiyyətli ov ssenarilərini simulyasiya edən qısa oyun seansları yaratmağı təklif edirlər. Bu oyunlar pişikləri maraqlandırmaq və stressi azaltmaqla mebel cızmalarını azalda bilər.
Pərvanə Fərhadqızı
