Çin tərəfi belaruslu tərəfdaşları ilə birlikdə bəşəriyyət üçün ortaq gələcəyi olan Birlik yaratmaq naminə strateji əməkdaşlığı gücləndirməyə hazırdır.
QHT.az xəbər verir ki, bunu Pekində Belarus prezidenti Aleksandr Lukaşenko ilə danışıqlarda Çin sədri Si Cinpin deyib: “Mənim böyük dostum, sizi yenidən görməyə çox şadam. Sizin bu il fevralın sonu və martın əvvəlində Çinə dövlət səfəriniz çərçivəsində biz Çin-Belarus münasibətlərinin dinamik inkişafının xeyrinə mühüm razılaşmalar əldə etdik. Hər mərhələdə biz yeni razılaşmalar əldə edirik. İl ərzində siyasi qarşılıqlı etimad və beynəlxalq qarşılıqlı fəaliyyət möhkəmlənir. “Bir kəmər, bir yol” təşəbbüsü çərçivəsində əməkdaşlığın yeni nəticələri var”.
Çin Xalq Respublikasının Sədri bəyan edib ki, əgər 10 il əvvəl “Bir Kəmər və Yol Təşəbbüsü” konsepsiya idisə, indi onun çərçivəsində 140-dan çox ölkə və beynəlxalq təşkilat əməkdaşlığa qoşulub.
Pərvanə Fərhadqızı
