Masallı gimnastları Bölgələrarası kubok yarışının mükafatçılarıdır
Ümummilli Lider Heydər Əliyevin anadan olmasının 100 illik yubileyinə həsr olunmuş bədii gimnastika üzrə 7-ci Bölgələrarası kubok yarışına yekun vurulub.
Lənkəran Olimpiya İdman Kompleksində təşkil olunan yarışda “Ocaq Sport” Klubunun Zaqatala, Şamaxı, Ağdaş bölmələri, Abşeron, Naxçıvan, Masallı, Sumqayıt, Lənkəran, İsmayıllı, Qusar, Göyçay Olimpiya İdman Kompleksi, Mingəçevir - “Kür” Olimpiya Tədris-İdman Mərkəzindən 36 gimnast qüvvəsini sınayıb.
Üç yaş kateqoriyasında keçirilən yarışda balacalar - alətsiz, gürzlər, lent, yeniyetmələr - alətsiz, top, gürzlər, gənclər isə - halqa, top, gürzlər və lentlərlə çıxışlarını nümayiş etdiriblər.
Qaliblər çoxnövçülük proqramında müəyyənləşib.
Masallı gimnastlarından Zəhranur Ağazadə və Nazlı Kərimova üçüncü yerə layiq görülüblər.
Akif AĞAYEV,
Azərbaycan İdman Jurnalistləri Assosiasiyasının üzvü.
