Mikroplastiklər artıq Yer kürəsində demək olar ki, hər bir mühitə - dənizin dərinliklərindən tutmuş atmosferin ən yüksək qatlarına qədər nüfuz edib. Alimlər bunun hətta hava şəraitinə də qismən təsir etdiyini irəli sürürlər.
QHT.az xəbər verir ki, atmosferdəki mikroplastiklər buludların əmələ gəlməsinə səbəb ola bilər və nəticədə müəyyən bölgələrdə hava şəraitinə təsir göstərə bilər. Mikroplastiklər, sintetik geyimlərdən və avtomobil şinlərindən tutmuş plastik şüşələrə qədər plastik məhsulların parçalanması zamanı yaranan, ölçüsü 5 mm-dən az olan plastikin kiçik parçalarıdır. Dünya okeanlarında üzən təxminən 50-75 trilyon mikroplastik hissəcik var.
Çinin Şandun Universitetinin tədqiqatçılarının, plastiğin buludlarla necə qarşılıqlı əlaqədə olduğunu yoxlamaq üçün Şərqi Çinin Tay dağının üstündəki buludlardan 28 maye nümunəsini necə topladığını təsvir edir. Onlar müəyyən ediblər ki, alçaq hündürlükdə və daha sıx buludlarda daha çox mikroplastik var. Bunlar əsasən polietilen tereftalat, polipropilen, polietilen, polistirol və poliamid daxil olmaqla adi polimerlərdən hazırlanmış mikroplastiklərdir. Hissəciklərin əksəriyyəti kiçik, eni 0,1 mm-dən az olsa da, bəziləri daha böyük, təxminən 1,5 mm idi. Hissəciklər buludlu şəraitdə ultrabənövşəyi işığa və süzülmüş bulud suyuna nə qədər uzun müddət məruz qalsalar, bir o qədər kobud idilər və buna görə də onların səthində bir o qədər çox civə, qurğuşun və oksigen var idi. Tədqiqatçılar bunun onlara buludun inkişafının sürətlənməsinə imkan verə biləcəyini irəli sürdülər.
Qeyd edək ki, tədqiqatçılar kompüter modellərindən istifadə edərək, mikroplastiklərin okean və ya digər dağlardan deyil, Çinin sıx məskunlaşdığı daxili bölgələrdən gələn hava axınları üzərində hərəkət etdiyini aşkar etdilər.
Pərvanə Fərhadqızı
