Sadiq Qurbanov: “Laçın artıq tarixi şəxsiyyətlərin görüş yerinə çevrilir”
Azərbaycan Respublikasının Prezidenti İlham Əliyevin Laçında Türkiyə və Pakistanın dövlət rəhbərlərinin görüşünü şərh edən Sadiq Qurbanov QHT.az-a açıqlamasında bildirib ki, Laçında qardaş dövlət rəhbərlərinin qarşılanması 44 günlük qələbəmizin parlaq təzahürüdür.
O vurğulayıb ki, Türkiyə və Pakistan Azərbaycanın ən yaxın müttəfiqləridir və bu münasibətlər bütün sahələrdə dinamik şəkildə daha da inkişaf etməkdədir. Laçının bu baxımdan tarixi şəxsiyyətlərin görüş yerinə çevrildiyini qeyd edən Sadiq Qurbanov, regionda əməkdaşlıq və dostluq əlaqələrinin güclənməsinin vacib olduğunu diqqətə çatdırıb.