ABŞ administrasiyası defoltdan qaçmaq və respublikaçı müxalifətlə danışıqlara daha çox vaxt qazanmaq üçün milli borc tavanının qısamüddətli artırılmasını nəzərdən keçirir. QHT.az xəbər verir ki, bu barədə adı açıqlanmayan dörd mənbəyə istinadən CNBC telekanalı məlumat yayıb.
Nəşr qeyd edir ki, Ağ Ev dövlət borcunun tavanının qısamüddətli artırılmasını nəzərdən keçirir. Bu, iyunun 1-də defoltdan qaça bilər, həmçinin onlara Respublikaçılar partiyası ilə məqbul kompromis danışıqları aparmaq üçün daha çox vaxt verə bilər.
Konqresin aşağı palatasına nəzarət edən respublikaçılar tavanın artırılmasını Ağ Ev üçün qəbuledilməz olan büdcənin kəskin azaldılması proqramının qəbulu ilə əlaqələndirirlər.
Bundan əvvəl ABŞ Konqresinin Nümayəndələr Palatasının sədri Kevin Makkarti prezident Co Bayden və onun administrasiyasına qarşı ittihamlar səsləndirib. Makkarti Bayden və onun tabeliyində olanları ölkəni defoltla təhdid edən ABŞ hökumətinin borcu ətrafındakı vəziyyəti həll etmək istəməməkdə ittiham edib.
