Münhen Lüdviq Maksimilian Universitetinin alimləri aspirinin bağırsaq xərçənginə qarşı mübarizədə kömək edə biləcəyini aşkar ediblər.
QHT.az xəbər verir ki, tədqiqatda müəlliflər aspirinin kolorektal xərçəngin inkişafının qarşısını ala biləcəyi bir siqnal yolunu müəyyən etdilər. Bu xərçəng növü ən təhlükəli növlərdən biridir və beş illik sağ qalma nisbəti 65 faizdən çox deyil.
Qeyd edək ki, bağırsaq xərçəngi olaraq da bilinən kolorektal (kolon) xərçəngi kolondakı anormal hüceyrələrdən əmələ gəlir. Patoloji kolon (yoğun bağırsaq) və ya düz bağırsağa təsir göstərə bilər, bu da kolon xərçənginə və ya rektal (rektum/düz bağırsaq) xərçəngə səbəb olacaqdır. Həkimlər adətən kolon (yoğun bağırsaq) və düz bağırsaq xərçəngini eyni kateqoriyaya qoyurlar, çünki onlar bir çox ortaq xüsusiyyətlərə malikdirlər.
Pərvanə Fərhadqızı
