Böyük Britaniya Ukraynaya Watchkeeper müşahidə dronlarını verməkdən imtina edib və onları utilizasiya etməyi planlaşdırır. Bu barədə Böyük Britaniya Müdafiə Nazirliyi məlumat yayıb.
QHT.az xəbər verir ki, Müdafiə naziri Luke Pollard bildirib ki, Watchkeeper dronları artıq köhnəlib və hökumət onları daha müasir və səmərəli pilotsuz sistemlərlə əvəz etməyə fokuslanıb. Onun sözlərinə görə, buna baxmayaraq, Böyük Britaniya Ukraynaya dəstəyi davam etdirəcək.
Qeyd olunub ki, Watchkeeper proqramının ləğvi üçün 2024–2027-ci illər ərzində 115,8 milyon funt sterlinq vəsait ayrılıb və bu məbləğ sistemin mərhələli şəkildə istismardan çıxarılmasına yönəldiləcək.
R.İmanov
