Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyeva və Fondun vitse-prezidenti Leyla Əliyeva valideyn himayəsindən məhrum olmuş və xüsusi qayğıya ehtiyacı olan uşaqlar, həmçinin şəhid övladları üçün təşkil olunan əyləncə və istirahət proqramında iştirak ediblər.
QHT.az xəbər verir ki, tədbir Heydər Əliyev Fondu tərəfindən uşaqların sevinc və istirahət anlarını təmin etmək məqsədilə həyata keçirilib. Proqram çərçivəsində uşaqlar üçün müxtəlif əyləncələr, oyunlar və sürprizlər təşkil olunub, bu da onların üzündə sevinc doğurub. Fondun fəaliyyətinin əsas məqsədi sosial qayğıya ehtiyacı olan uşaqlara dəstək olmaqdır. Bu istiqamətdə paytaxtda və regionlarda təşkil edilən tədbirlərə "Regional İnkişaf" İctimai Birliyinin könüllüləri də fəal şəkildə qoşulublar. Könüllülər uşaqlara sevinc bəxş etməklə yanaşı, onların ehtiyaclarını da yaxından izləyərək hər birinə xüsusi qayğı göstəriblər.
Bu cür tədbirlər, Heydər Əliyev Fondunun uşaqlara verdiyi dəstəyin bir göstəricisi olmaqla yanaşı, onların gələcək həyatlarında xoş xatirələr yaratmaq üçün xüsusi əhəmiyyət daşıyır. Fondun prezidenti Mehriban Əliyeva və vitse-prezident Leyla Əliyeva uşaqlarla birgə vaxt keçirərək, onların sevinclərinə şərik olublar.
Tədbir iştirakçıları uşaqların gələcəkdə də bu cür dəstək və qayğı ilə əhatə olunmasını arzulayıblar.
Pərvanə Fərhadqızı
QHT.az
