Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi 2022-ci kiçik qrant müsabiqəsini elan edir. 

 

Müsabiqədə iştirak üçün ərizə və layihə təklifləri https://ngogrant.az/  proqramı vasitəsi ilə qəbul ediləcək. 

Nəzərinizə çatdırırıq ki, layihələrin qəbulu 13 aprel 2022-ci il tarixdən 05 may 2022-ci il saat 18:00-a kimi təşkil ediləcək.

 

Azərbaycan Respublikasının

Qeyri-Hökumət Təşkilatlarına Dövlət Dəstəyi Agentliyinin

“2022-ci il kiçik qrant müsabiqəsi”nin

 ELANI

 

            Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi (bundan sonra “Agentlik” adlanacaq) QHT-ləri “2022-ci il kiçik qrant müsabiqəsi”ndə iştirak etmək üçün dəvət edir.

            Agentlik 7 istiqamət üzrə aşağıda qeyd olunan müsabiqə mövzularını təqdim edir:

1.    İnsan haqları, ictimai vəkillik,  demokratiya və hüquq məsələləri, insan alverinə qarşı mübarizə məsələləri:

-       İşğaldan azad olunmuş ərazilərin minalardan və partlamamış hərbi sursatlarla çirkənlənməsi ilə əlaqədar beynəlxalq birliyin və beynəlxalq təşkilatların məlumatlanlandırılması məqsədilə kampaniyaların təşkili və hesabatların hazırlanması;

-       Ermənistanın törətdiyi müharibə cinayətləri, o cümlədən mülki infrastrukturun, yaşayış məntəqlərinin dağıdılması və mülki vətəndaşların qətlə yetirilməsi ilə bağlı faktların toplanması və bu barədə beynəlxalq təşkilatlar üçün beynəlxalq dillərdə hesabatların hazırlanması;

-       Birinci Qarabağ müharibəsi zamanı əsir və itkin düşmüş, girov götürülmüş vətəndaşlarla bağlı materialların toplanması və beynəlxalq dillərdə müvafiq hesabatların hazırlanması və yayılması;

-       Şəhid ailələri və qazilərin hüquqlarının qorunması ilə bağlı məlumatlandırma tədbirlərinin təşkili;

-       BMT-nin ixtisaslaşmış qrumlarına hesabatların hazırlanması;

-       Bakı şəhəri və regionlarda əhaliyə pulsuz hüquqi yardımın göstərilməsi ilə bağlı təşəbbüslər;

-       Məhkəmə, hüquq-mühafizə orqanları ilə vətəndaşlar arasında etimadın daha da güclənməsinə yönələn təşəbbüslər;

-       İnsan alveri ilə mübarizə sahəsində maarifləndirmə və məlumatlandırma üzrə təşəbbüslər;

-       Qeyri-hökumət təşkilatlarının mətbuat və sosial media ilə işləmək bacarıqlarının artırılması üzrə təşəbbüslər;

-       İnsan hüquq və azadlıqları sahəsində maarifləndirmə tədbirlərinin keçirilməsi;

-       Qeyri-formal məşğulluğun qarşısının alınması istiqamətində təşəbbüslər

 

  1. Ətraf mühitin və əhalinin sağlamlığının qorunması, narkomaniya ilə mübarizə məsələləri:

-       Ətraf mühitin qorunması üzrə təşəbbüslər;

-       İşğaldan azad olunan ərazilərə dəyən ekoloji zərərin (ekosid) xəritəsinin müəyyən olunması istiqamətində təşəbbüslər;

-       Yaşıllıq zonalarının məhv edilməsi, ziyan vurulması və qorunması məsələlərinə diqqətin artırılmasıilə bağlı təşəbbüslər;

-       “Təmiz şəhər” və “Təmiz kənd” konsepsiyasının təbliği;

-       Oxçuçayın Ermənistan tərəfindən çirkləndiirlməsi ilə bağlı xarici ölkələrin (Avropa ölkələri, Amerika Birləşmiş Ştatları, Kanada, Çin, Yaponiya) ictimaiyyətinin və beynəlxalq təşkilatların məlumatlandırılması məqsədilə  kampaniyanın, tədbirlərin təşkili;

-       Ermənilərin Sərsəng su anbarı vasitəsilə həyata keçirdikləri ekoloji təcüvüzlə əlaqədar bağlı xarici ölkələrin (Avropa ölkələri, Amerika Birləşmiş Ştatları, Kanada, Çin, Yaponiya) ictimaiyyətinin və beynəlxalq təşkilatların məlumatlandırılması məqsədilə  kampaniyanın, tədbirlərin təşkili;

-       Mənzil Kommunal İstismar Sahələrinin məişət tullantılarının təmizlənməsi ilə bağlı fəaliyyətinin monitorinqi və bu sahənin təkmilləşdirilməsi üzrə tövsiyələrin hazırlanması və təşəbbüslərin həyata keçirilməsi;

-       İctimai yerlərdə tullantı qutularının monitorinqi, nəticələrin təhlili və tövsiyələrin hazırlanması, bu sahədə maarifləndirici  tədbilərin keçirilməsi;

-       İnfeksion xəstəliklərin yoluxma yolları və profilaktikası mövzusunda əhalinin maarifləndirilməsi  (COVID-19 və ştamları, vərəm, hepatit, İİV/QİÇS və cinsi yolla keçən infeksiyalar);

-       Qeyri-infeksion xəstəliklər və onların profilaktikası mövzusunda əhalinin maarifləndirilməsi  (şəkərli diabet, ürək-damar xəstəlikləri, xərçəng xəstəlikləri, xroniki respirator xəstəliklər talassemiya, hemofiliya və s.);

-       Sağlam həyat tərzinin təbliği, eləcə də narkomaniya və tütündən istifadəyə qarşı mübarizə ilə bağlı maarifləndirmə kampaniyalarının keçirilməsi;

-       Autizm spektri pozuntusu və daun sindromundan əziyyət çəkən, o cümlədən digər həssas qruplara aid edilən şəxslərin sosial-tibbi və psixoloji reabilitasiyası sahəsində təşəbbüslər;

-       İdmanın kütləviləşdirilməsi üzrə təşəbbüslər;

-       İcbari tibbi sığorta haqqında əhalinin maarifləndirilməsi;

-       Yol hərəkətinin təhlükəsizliyi sahəsində maarifləndirmə işinin təşkili;

-       Ekoloji təmiz kənd təsərrüfatı məhsullarının istehsalının təşviqi sahəsində tədbirlərin təşkili;

-       Qida təhlükəsizliyi ilə bağlı əhalinin maarifləndirilməsi.

 

  1.  Elm, təhsil və mədəniyyət və Azərbaycançılıq ideyasının təbliği məsələləri:

-       “Təhsilin məzmunu: müasirlik və dəyərlər” mövzusunda təşəbbüslər;

-       Elmi tədqiqatların və tədqiqat mərkəzlərinin fəaliyyətlərinin stimullaşdırılmasına yönələn təşəbbüslər;

-       Valideyn-məktəb münasibətlərinin inkişaf etdirilməsi ilə bağlı dəstəkverici təşəbbüslər;

-       Ümumtəhsil müəssisələrində cəmiyyətə və ictimaiyyətə açıq müəssisə modelinin yaradılması ilə bağlı təşəbbüslər (tədqiqat və təklif);

-       Təhsilin inkişafına xidmət edən innovativ tədqiqatlar aparılması;

-       Təhsilin problemlərinə həsr olunmuş tədqiqat layihələrinin dəstəklənməsi;

-       Uşaqların (xüsusilə qızların) təhsildən yayınması hallarının aradan qaldırılması istiqamətində təşəbbüslər;

-       Yeniyetmə və gənclərdə “soft skills” – təməl bacarıqların formalaşdırılması təşəbbüsləri;

-       Açıq təhsil resurslarından (Open Educational Resources - OER) istifadə təşəbbüssləri;

-       Beynəlxalq elm və təhsil platformalarının, elmi data bazaların təbliğı təşəbbüsləri;

-       Regionlarda qadın və qızların iqtisadi asılılığının aradan qaldırılması üçün peşə təhsili və sahibkarlığa cəlb olunmasını dəstəkləyən təşəbbüslər;

-       Peşə təhsilinin əhali arasında populyarlaşdırılması və təbliği istiqamətində təşəbbüslər;

-       Milli-mənəvi dəyərlərin qorunması və təbliği istiqamətində təşəbbüslər;

-       İstedadlı uşaq və gənclərin müəyyən olunması istiqamətində təşəbbüslərin dəstəklənməsi;

-       Regionlarda mədəniyyət və incəsənət sahəsinin inkişafı istiqamətində tədbirlərin təşkili;

-       Azərbaycan mədəniyyətinin təbliğində informasiya texnologiyalarının tətbiqi üzrə təşəbbüslər;

-       Azərbaycan mədəniyyəti və incəsənətinin təbliğinə xidmət edən intellektual oyunların, müsabiqələrin, olimpiadaların və festivalların keçirilməsi təşəbbüsləri;

-       Zəfər tarixi və onun yaratdığı yeni reallıqlar ilə bağlı tədbirlərin təşkil olunması;

-       Yeniyetmə və gənclər arasında Vətən müharibəsi qələbəsinin təbliği;

-       Vətən müharibəsi iştirakçılarının bilik və bacarıqlarının artırılması üçün təşəbbüslərin dəstəklənməsi;

-       Elektron kitabxana resursları, nəşrlərin rəqəmsallaşdırılması istiqamətində təşəbbüslərin dəstəklənməsi;

 

  1. Sosial (o cümlədən şəhid ailələri, müharibə veteranları, əlilliyi olan və digər həssas qruplara aid şəxslərin sosial problemləri)  və  iqtisadi məsələlər:

-       Əhalinin sosial problemlərinin həlli istiqamətində təşəbbüslər;

-       Sosial sahibkarlıq sahəsində görülən işlərin monitorinqi, təhlili və bu sahədə təbliğat üzrə təşəbbüslər;

-       Şəhid ailələri və qazilər üçün hüquqi maarifləndirmə təşəbbüsləri;

-       Müharibədən  zərərçəkmiş vətəndaşların psioxoloji reabilitasiyasına dair təşəbbüslər;

-       Keçmiş məcburi köçkünlərin işğaldan azad olunan ərazilərə qayıdış prosesinə dəstəyin göstərilməsi, işğaldan azad olunmuş ərazilərdə icmaların inkişafına dair təşəbbüslər;

-       Azərbaycan Silahlı  Qüvvələrinə vətəndaş dəstəyinin artırılmasına dair təşəbbüslər;

-       “Şərqi Zəngəzur” və “Qarabağ” iqtisadi zonalarının sosial-iqtisadi inkişaf perspektivlərinə dair tədqiqatların aparılması,  hesabatların hazırlanması;

-       Azərbaycanın iqtisadiyatının  perspektivli sahələri ilə bağlı “Start-up” ideyaların dəstəklənməsi;

-       Kiçik və orta sahibkarlığın inkişafına dair təşəbbüslər;

-       “Azərbaycan 2030: sosial-iqtisadi inkişafa dair Milli Prioritetlər”in reallaşdırılmasına dəstək üzrə təşəbbüslər.

 

  1.   Ailə, qadın, uşaq və gender məsələləri:

-       Ailə dəyərlərinin təbliği, valideyn məsuliyyətinin artırılması;

-       Qadın hüquqları ilə bağlı maarifləndirmə;

-       Müharibədən əziyyət çəkən qadınlara və uşaqlara sosial-psixoloji dəstəyin göstərilməsi;

-       Erkən nikahların qarşısının alınması istiqamətində görülən işlərin monitorinqi, təhlili, fəaliyyətlərin gücləndirilməsi və təkmilləşdirilməsi üzrə tövsiyələrin hazırlanması;

-       Erkən və qohumlar arasında nikahların qarşısının alınması istiqamətində təşəbbüslər;

-       Məişət zorakılığı ilə mübarizə sahəsində görülən işlərin monitorinqi, ictimai müzakirələrin təşkili və məişət zorakılığı ilə mübarizənin təkmilləşdirilməsi üzrə tövsiyələrin hazırlanması;

-       Gender bərabərliyinin qorunması istiqamətində təşəbbüslər;

-       Gender zəminində zorakılıq ilə mübarizə istiqamətində təşəbbüslər;

-       Beynəlxalq gender platformalarda təmsilçiliyin artırılması;

-       Uşaq hüquqlarının müdafiəsi istiqamətində vəziyyətin analizi, uşaq hüquqlarının müdafiə mexanizmlərinin təkmilləşdirilməsi sahəsində innovativ ideyaların dəstəklənməsi;

-       Həssas qruplardan olan qadın və qızların özünüməşğulluq proqramına cəlb olunmasına yardım göstərilməsi təşəbbüsləri;

-       Qızların təhsildən yayındırılması hallarınına qarşı mübarizə, qızların ali və peşə təhsilə marağının artırlması üzrə təşəbbüslər;

-       “Gender bərabərliyi üzrə 2019-2024 cü illər üçün Milli Fəaliyyət Planı”nın həyata keçirilməsi ilə bağlı təşəbbüslər.

 

  1. Azərbaycanın milli maraqlarının xarici ölkələrdə, beynəlxalq platformalarda müdafiəsi və təşviqi:  

-       44 günlük Vətən müharibəsi zamanı Ermənistanın törətdiyi müharibə və insanlıq əlehinə cinayətlər barədə xarici ölkələr də və beynəlxalq təşkilatlarda fəaliyyətlərin təşkili;

-       Azərbaycanın regional  və qlobal təhlükəsizliyin təmin olunmasında rolu barədə elmi-tədqiqat yazılarının hazırlanması və xarici  nəşrlərdə/media resurslarında yayımının təşkili;

-       Azərbaycanın post-münaqişə ilə bağlı üzləşdiyi problemlər və çağırışlar  haqqında xarici ölkələrin və beynəlxalq ictimaiyyətin məlumatlandırılması;

-       Xarici ölkələrdə (Avropa ölkələri, Amerika Birləşmiş Ştatları, Kanada, Çin, Yaponiya) Milli-mənəvi dəyərlərin təbliği;

-       Azərbaycanın milli maraqlarının qorunması, ölkəmizə qarşı olan  qərəzli və ikili yanaşmaların qarşısının alınması istiqamətində təşəbbüslər;

-       Ermənistanın ərazisində Azərbaycan xalqına məxsus maddi-mədəni irsin qorunması ilə bağlı beynəlxalq  platformalarda təşəbbüslər;

-       Özəl sektroun və QHT-lərin Azərbaycanın beynəlxalq nüfuzunun daha da artırılmasında oynadığı rolun təhlili və bu sahənin təkmilləşdirilməsi haqqında  tövsiyələrin hazırlanması;

 

  1. Açıq hökumətin və ictimai nəzarətin təşviqi, korrupsiyaya qarşı mübarizə məsələləri:

-       “Açıq hökumətin təşviqinə dair  2020-2022-ci illər üçün Milli Fəaliyyət Planı”nın icrasına dəstək verilməsi;

-       Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planın icrasına dəstək verilməsi;

-       Özəl sektorda, ictimai əhəmiyyətli funksiyaları yerinə yetirən hüquqi şəxslərin fəaliyyətində şəffaflıq və hesabatlılığın, informasiya açıqlığının qiymətləndirilməsi və artırılması üzrə təşəbbüslər;

-       Dövlət orqanlarının fəaliyyətində şəffaflıq və hesabatlılığın, informasiya açıqlığının  qiymətləndirilməsi və artırılması  üzrə təşəbbüslər;

-       İctimai iştirakçılıq və ictimai nəzarət mexanizmlərinin təkmilləşdirilməsinə dair təşəbbüslər;

-       Antikorrupsiya mədəniyyətinin formalaşması ilə bağlı təşəbbüslər;

-       Korrupsiyaya qarşı mübarizə sahəsində vətəndaş cəmiyyətinin potensialının gücləndirilməsi üzrə təşəbbüslər;

-       Korrupsiyaya qarşı mübarizə sahəsində fəaliyyət göstərən vətəndaş cəmiyyəti institutları ilə dövlət orqanları (qurumları) arasında əməkdaşlığın daha da gücləndirilməsi və birgə layihələrin həyata keçirilməsi;

-       Korrupsiyaya qarşı mübarizə sahəsində tədqiqatlar və monitorinqlərin aparılması, nəticələrin təhlili və bu sahədə səmərəliliyin artırılmasına dair tövsiyələrin verilməsi üzrə təşəbbüslər;

-       İctimai nəzarət və ictimai iştirakçılıq sahəsində qabaqcıl xarici təcrübənin öyrənilməsi və tətbiqi üzrə təşəbbüslər;

 

Layihələrin müddəti

·Layihələrin müddəti 3 aya qədər (layihələr 1 dekabr 2022-ci il tarixinə kimi yekunlaşmalıdır) ola bilər.

 

Qrantın məbləği

 

QHT üçün tələblər

·Təqdim etdiyi mövzu üzrə təcrübəsi olmalıdır.

 

Layihələrin qiymətləndirilmə meyarları

 

Təqdim olunmuş layihə təkliflərini qiymətləndirmək üçün Agentlik aşağıdakı meyarlardan istifadə edəcək:

 

Ərizələrin təqdim olunması üçün texniki tələblər

·QHT-lər Agentliyin https://ngogrant.az/ proqramı vasitəsilə QHT və layihə haqqında məlumatları təqdim edir;

·Şəxsən, poçtla və ya e-poçt ünvanlarına təqdim olunan ərizələr qəbul olunmur.  

 

Müsabiqədə iştirak etmək üçün təqdim olunan məlumatlar

  • Ərizə forması (elektron forma elana əlavə olunur),
  • Layihə təklifi (elektron forma elana əlavə olunur),
  • Fəaliyyət planı(elektron forma elana əlavə olunur),
  • Xərclər smetası (elektron forma elana əlavə olunur),
  • Dövlət qeydiyyatı haqqında şəhadətnamə,
  • Reyestrdən çıxarış,
  • Nizamnamə,
  • VÖEN,
  • QHT rəhbərinin şəxsiyyət vəsiqəsinin surəti,
  • QHT rəhbəri və mühasibin CV-si.

 

Ərizələrin qeydə alınmasından imtina üçün əsas  səbəblər

  • Tələb olunan sənədlər tam təqdim edilmədikdə;
  • Təqdim olunan sənədlərdə səlahiyyət müddəti bitdikdə;

 

QEYD:

·Müsabiqəyə təqdim olunan sənədlərdə dəyişiklik və düzəliş edilə bilməz.

 

 Müsabiqənin prosedur qaydaları

Müsabiqə üzrə ərizələrin qəbulu 13 aprel 2022-ci il tarixindən elektron qaydada həyata keçirilir. Ərizələrin qəbulu və qərar qəbul etmə prosesi aşağıdakı mərhələlərlə aparılır:

·1-ci mərhələ - Ərizələrin qeydiyyatı və layihə təklifinin qəbulu;

Bu mərhələ 13 aprel - 05 may 2022-ci il saat 18.00-dək müddəti əhatə edir. Bu mərhələdə ərizə və layihə təklifi qəbul edilir.

·2-ci mərhələ - Qeydə alınmış layihə təkliflərinin ekspertizası;

Bu dövr 06-may-17 iyun 2022-ci il tarixədək müddəti əhatə edir.

·3-cü mərhələ- Nəticələrin elan olunması:

21 iyun 2022-ci il tarixdə elan olunacaq. Müsabiqənin qalibləri haqqında məlumat Agentliyin e-qrant.az saytında, Agentliyin rəsmi sosial şəbəkə hesablarında yerləşdirilir.

·4-cü mərhələ - Qrant müqavilələri 15 iyul 2022-ci il tarixə kimi bağlanılır.

 

Əlavə məlumatlar

Müsabiqə ilə əlaqədar məlumatlandırma sessiyası 15 aprel 2022-ci il saat 15.00-da ZOOM platformasında keçiriləcək.

Sessiyada iştirak etmək istəyən QHT nümayəndələri üçün ZOOM link:

https://us02web.zoom.us/j/86936621264?pwd=ZWErT0pnR2dFSVR0VzAva2lYN2pQZz09

 

Müsabiqə ilə bağlı əlavə məlumat almaq üçün Agentliyin Layihələrin idarəedilməsi departamentinin əməkdaşları Ülkər Süleymanova və Həsən Səmədova müraciət etmək olar: 

[email protected], [email protected],  

 

 


 

01. Müsabiqə elanı - 2022-ci il kiçik qrant müsabiqəsi.doc

 

02. Ərizə forması - 2022-ci il kiçik qrant müsabiqəsi.docx

 

03. Layihə təklifi - 2022-ci il kiçik qrant müsabiqəsi.docx

 

04. Fəaliyyət planı - 2022-ci il kiçik qrant müsabiqəsi.doc

 

05. Xərclər smetası - 2022-ci il kiçik qrant müsabiqəsi.xls