Uşaq hüquqlarının müdafiəsi sahəsində fəaliyyət göstərən QHT-lər pandemiya zamanı qeydə alınmış ən uzunmüddətli dövr olan 83 həftə ərzində məktəblərin qismən və ya tamamilə bağlanması barədə səlahiyyətlilərin qərarını tənqid ediblər.
Bu gün Uqandada dünyada bütün tarix boyu məktəblərin ən uzunmüddətli bağlanması başa çatır.
QHT.az xəbər verir ki, Uqandada 15 milyona yaxın məktəbli 2020-ci ilin mart ayından, təhsil müəssisələrinin COVID-19 pandemiyası səbəbindən bağlandığı vaxtdan məktəbə getməyib. Dərslərin yenidən başlanması paytaxt Kampalanın bəzi rayonlarının yollarında böyük tıxaclara səbəb olub.
Təhsil naziri Con Muyinqo bildirib ki, bütün məktəblər uşaqların təhsil almalarının təhlükəsizliyinə zəmanət vermək məqsədilə ciddi epidemioloji protokollar tətbiq ediblər.
Uşaq hüquqlarının müdafiəsi sahəsində fəaliyyət göstərən QHT-lər pandemiya zamanı qeydə alınmış ən uzunmüddətli dövr olan 83 həftə ərzində məktəblərin qismən və ya tamamilə bağlanması barədə səlahiyyətlilərin qərarını tənqid ediblər.
Hökumət tərəfindən yanvarın 7-də dərc edilmiş son məlumatlara görə, 48 milyona yaxın əhalisi olan Uqandada COVID-19-a 153 min 762 yoluxma və 3339 ölüm halı qeydə alınıb. Ölkədə tam vaksinasiyadan əhalinin cəmi 3 faizi keçib.
