“Hərbi Mövzular üzrə İxtisaslaşmış Jurnalistlər” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyə dəstəyi ilə “Vətən sənə canım fəda” mövzulu layihəsinə sentyabrın 1-dən start verib.
QHT.az xəbər verir ki, layihənin məqsədi Vətən müharibəsində zəfər çalmaq üçün Prezident, Silahlı Qüvvələrin Al Baş Komandanı İlham Əliyevin uğurlu hərbi-siyasi manevrlərini, Zəfər tariximizi yeniyetmə və gənclərə doğru düzgün anlatmaq, 44 günlük müharibəyə qədər, əsasən də XX əsrdə xalqımızın kütləvi terror və qanlı soyqırımlarına məruz qalması, kənd və yer adlarımızı dəyişən erməni vandallarının əcdadlarımızın yaratdığı tarixi abidələri, məscidləri, qalaları dağıdaraq izini itirmələri barədə gənc nəsli məlumatlandırmaq və Azərbaycanın müstəqilliyinin, suverenliyinin, ərazi bütövlüyünün, hüquqi dövlət quruculuğunun daha da inkişaf etdirilməsinə informasiya dəstəyi verməkdir.
Layihə iki ay ərzində (01 sentyabr - 01 noyabr 2022) icra olunacaq.
