1946-cı il fevralın 13-də BMT Radiosunun ilk yayımı baş tutdu və o vaxtdan bəşəriyyət hər il Ümumdünya Radio Gününü qeyd edir. Radiostansiya BMT-nin mənzil-qərargahında yerləşirdi.
QHT.az xəbər verir ki, Ümumdünya Radio Gününün əsas məqsədləri rəqabət qabiliyyətinin keyfiyyət təminatına diqqəti audio məzmunun yaradılmasına və radio yayımına yönəltməkdir. Radio mühüm məlumatları çatdırır və vacib məsələlərə dair insanları maarifləndirir. Bu, insanların öz fikirləri, narahatlıqları və şikayətlərini ifadə edə biləcəyi şəxsi və interaktiv bir platformadır. Radio icma yarada bilər.
Birləşmiş Millətlər Təşkilatına, xüsusilə də onun sülhməramlı əməliyyatları üçün radio, müharibədən zərər çəkmiş insanları məlumatlandırmaq, bir araya gətirmək və gücləndirmək üçün həyati bir vasitədir. Bu günün bayram elan edilməsinin ideya müəllifi İspaniya Radio Akademiyasının Prezidenti Horhe Alvaresdir. Onun bu ideyasına 2008-ci ilin yanvar ayında UNESCO tərəfindən dəstək verilib. 2011-ci ildə isə İspaniyanın səfiri İon de lya Rivin rəsmi təklifi ilə Ümumdünya Radio Günü qeyd olunmağa başlanılıb.
Radio vasitədən daha çox istifadəyə təşviq məqsədilə, İspaniya Radio Akademiyası Ümumdünya Radio Günü üzrə Beynəlxalq Komitənin yaradılmasına təkan verir. Bütün bunların fonunda, BMT-nin 14 yanvar 2013-cü il tarixli qərarı ilə hər ilin 13 fevral tarixi Ümumdünya Radio Günü qeyd olunur. Bu tarix, 1946-cı il fevralın 13-də “BMT radiosu”nun ilk dəfə efirə çıxması ilə əlaqədar seçilib.
Azərbaycanda isə hər ilin 6 noyabr tarixi Radio Günü qeyd olunur. Bu tarixin seçilməsi isə Dövlət Radiosunun 6 noyabr 1926-cı ildə efirə çıxması ilə bağlıdır.
Gününüz mübarək, əziz həmkarlar və sevimli dinləyicilər...
