Avstriya alimləri müəyyən ediblər ki, təmiz havada sürətli gəzintilər siqaretə olan həvəsi azaldır. Tədqiqatda iştirakçılar təsadüfi olaraq açıq havada on dəqiqəlik sürətli gəzintiyə çıxdılar, qapalı qaçış bandında oxşar məşq etdilər və ya on dəqiqə oturmuş vəziyyətdə qaldılar. İştirakçılardan hər mərhələdən əvvəl, ərzində və sonra öz ehtiraslarının intensivliyini, nikotin çəkilmə simptomlarının varlığını və əhval-ruhiyyələrini qiymətləndirmələri istəndi.
QHT.az xəbər verir ki, bu göstəriciləri ölçmək üçün əhval-ruhiyyə və fiziki simptomlar üçün xüsusi şkala istifadə edilib. Onun əsas elementlərinə depressiv əhval-ruhiyyənin, əsəbiliyin, narahatlığın, konsentrasiyanın çətinləşməsinin və aclığın beş ballıq qiymətləndirilməsi, həmçinin siqaret çəkmək istəyinin şiddətinin və ehtirasın hiss olunduğu vaxtın altı ballıq qiymətləndirilməsi daxildir.
Nəticələr göstərdi ki, cığırda və küçədə sürətlə yerimək siqaret çəkmək istəyini azaltmağa kömək edir. Oturmuş vəziyyətdə olmağın bu göstəriciyə heç bir təsiri olmayıb. Bənzər bir təsir çəkilmə simptomlarının gücünə və ümumi rifaha münasibətdə əldə edilmişdir. Bununla belə, qeyd olunur ki, açıq havada məşq bitdikdən 10 gün sonra siqaret çəkməyə həvəs qaçış zolağında məşq etdikdən sonra bir qədər aşağı olub.
Pərvanə Fərhadqızı
