“Associated Press” xəbər verir ki, “Spirit Airlines” aviaşirkətinə məxsus sərnişin təyyarəsi göyərtəsində baş verən yanğın səbəbindən Florida ştatında məcburi eniş edib.
QHT.az xəbər verir ki, agentliyin məlumatına görə, Dallasdan Orlandoya uçarkən salonda əl yükündə olan akkumulyator yanıb.
Təxminən 20 dəqiqə davam edən yanğının söndürülməsinə gəmidə olan keçmiş yanğınsöndürən kömək edib.
Gəmi yerə endikdən sonra 10 nəfər xəstəxanaya yerləşdirilib.
Bundan əvvəl Amerikanın “United Airlines” aviaşirkətinin idarə heyəti təyyarədə baş verən yanğınla əlaqədar Honq-Konqa məcburi eniş edib.
Təyyarə Moskva vaxtı ilə saat 5:30-da Honq-Konqdan Quam adasına havaya qalxsa da, uçuşu yarımçıq dayandıraraq geri dönmək məcburiyyətində qalıb.
Ehtimal olunur ki, mühərrikə quş girib və yanğın başlayıb.
Təyyarə Moskva vaxtı ilə saat 6:39-da Honq-Konqa qayıdıb.
Zərərçəkənlər barədə məlumat yoxdur.
Həmçinin bildirilib ki, İstanbul-Yekaterinburq marşrutu ilə uçan Sukhoi Superjet 100 sərnişin təyyarəsi təzyiqsizləşdirmə sensorunun işə salınmasından sonra Soçi hava limanında məcburi eniş edib.
