Çin Ticarət Nazirliyinin məlumatına görə, Çin 2022-ci ilə kimi 10 il ardıcıl olaraq İranın ən böyük ticarət tərəfdaşı olaraq qaldı.
Nazirliyin sözçüsü Şu Jueting cümə axşamı keçirdiyi mətbuat konfransında bildirib ki, Çin və İran arasında ticarət 2022-ci ildə illik müqayisədə 7 faiz artaraq 15,8 milyard dollara çatıb.
QHT.az xəbər verir ki, İran prezidenti İbrahim Rəisi fevralın 14-dən üçgünlük rəsmi səfərlə Çindədir.
Şu bəyan edib ki, Rəysinin Çinə səfəri zamanı Çin və İran ikitərəfli iqtisadi və ticarət əlaqələrinin inkişafı ilə bağlı fikir mübadiləsi aparıb və bir sıra müsbət nəticələr əldə edilib.
"Növbəti addım iki liderin iqtisadiyyat və ticarət sahəsində əldə etdiyi mühüm razılaşmanın həyata keçirilməsi, ticarət və digər sahələrdə praqmatik əməkdaşlığın inkişaf etdirilməsidir", - sözçü bildirib.
Biz İrandan daha keyfiyyətli məhsul idxal etmək üçün iranlı həmkarımızla çalışacağıq və “Bir Kəmər və Yol” təşəbbüsünün qurulmasında əməkdaşlığı davam etdirəcəyik” - dedi.
Şu əlavə edib ki, Çin Şanxay Əməkdaşlıq Təşkilatı kimi platformalar çərçivəsində iki ölkə arasında çoxtərəfli əməkdaşlığı gücləndirəcək və Çin-İran hərtərəfli strateji tərəfdaşlığını dərinləşdirmək üçün yeni bir artım sürəti işə salacaq.
