Elm dünyası ABŞ-dan gələn xəbərlərdən danışır.
QHT.az xəbər verir ki, istehsalçı tərəfindən depressiyanı müalicə edəcəyi bildirilən beyin implantı ilk dəfə insana implantasiya edilib.
İlon Maska məxsus Neuralink altı aydan sonra insan sınaqlarına başlamağa hazırlaşarkən rəqib şirkətdən diqqətəlayiq bir hərəkət gəldi.
'Inner Cosmos' şirkətin depressiyanı müalicə etdiyini iddia etdiyi beyin implantının ilk insan sınaqlarını həyata keçirdi.
Sözügedən cihaz iki hissədən ibarətdir; Dərinin altında oturan elektrod və cihazı gücləndirmək üçün istifadəçinin saçına yapışdırılan kapsul.
Kapsul, depressiyadan təsirlənən beyin sahəsinə kiçik elektrik impulsları göndərən implantı gücləndirir.
