Martın ilk ongünlüyünün sonu və Ramazan ayının əvvəlində radikalların əlində olan girovlar azad olunmasa, İsrail Qəzza zolağında hərbi əməliyyatını ölkənin cənubundakı Rəfah şəhərinə qədər genişləndirəcək. Bu xəbərdarlığı İsrailin müdafiə naziri Benni Qantz bazar günü ABŞ yəhudi təşkilatlarının rəhbərliyinin Qüdsdə keçirilən konfransında çıxışı zamanı edib.
QHT.az xəbər verir ki, “Dünya bilməlidir və Həmas liderləri bilməlidir ki, Ramazana qədər girovlarımız evdə olmasalar, Rəfah bölgəsi də daxil olmaqla hər yerdə döyüşlər davam edəcək. Biz bunu koordinasiyalı şəkildə edəcəyik, dinc əhalinin tələfatını minimuma endirmək üçün amerikalı və misirli tərəfdaşlarımızla dialoq əsasında mülki şəxslərin təxliyyəsini asanlaşdıracağıq”, - Müdafiə Nazirliyinin keçmiş rəhbəri və İsrail ordusunun baş qərargah rəisi Qantz bildirib. “[Rəfah hücumunun] dəyərinin çox baha olduğunu deyənlərə açıq şəkildə deyirəm ki, HƏMAS-ın seçimi var: onlar təslim olub girovları azad edə, sonra Qəzzalılar müqəddəs Ramazan bayramını qeyd edə bilərlər. Gantz əlavə etdi.
Ərəb astronomlarının fikrincə, Ramazan 2024-cü ildə martın 11-dən aprelin 9-na təsadüf edir.
Pərvanə Fərhadqızı
