Eritreyalı mühacirlərin İsraildə bir-biri ilə və polislə toqquşması Netanyahuya xeyir verib. Sağçı baş nazir mühacirlərin deportasiyası haqqında göstəriş verib. Məhkəmə islahatına etirazlar 35-ci həftədə də davam edib.
QHT.az xəbər verir ki, İsraildə immiqrasiya məsələsini müzakirə etmək üçün nazirlər komitəsi ilə keçirdiyi iclasda danışan Netanyahu "qırmızı xəttin keçildiyini" ifadə edərək, "üsyançılara qarşı sərt addımların atılmasını" tələb edib. Hadisələrdə iştirak edənlərin dərhal deportasiya edilməsini tələb edən Netanyahu şuradan afrikalı mühacirlərin İsraildən deportasiyası üçün hərtərəfli plan hazırlamağı tələb edib.
Sözügedən hadisələr Təl-Əvivdə Eritreya səfirliyinin ölkəni diktatura ilə idarə edən prezident İsaias Afeverkinin hakimiyyətə gəlməsinin 30-cu ildönümü münasibətilə baş verib. Festivalın təbliğat olduğunu əsas gətirən Eritreyalı müxaliflər səfirlik qarşısında nümayiş keçirmək istəyiblər. Polisin verdiyi məlumata görə, hadisələr zamanı 150-dən çox adam yaralanıb, onların üçdə biri polisdir, 39 etirazçı isə saxlanılıb. İsrail polisi "qanunsuz" adlandırdıqları Eritreyadakı kütləyə gözyaşardıcı qaz, su şırnaqları, dəyənək və rezin güllələrlə yanaşı, canlı güllələrlə müdaxilə edib.
Qeyd edək ki, İsraildə əsasən Eritreya və Sudandan olan təxminən 25.500 sığınacaq axtaran müvəqqəti qoruma altındadır. İsrail bu insanları qaçqın kimi tanımaqdan və onlara qaçqın statusu verməkdən imtina edir.
Pərvanə Fərhadqızı
