Ohayo Təbii Sərvətlər Departamentinin (ODNR) məlumatına görə, kimyəvi yüklü qatar qəzası yerindəki çay yatağının təxminən 8 mil uzunluğunda 38,000-dən çox şirin su balığı tələf olub.
QHT.az xəbər verir ki, ODNR direktoru Meri Mertz, "Vaqonların aşması nəticəsində balıqlardan başqa 5500-ə yaxın su canlısının öldüyü təxmin edilir" dedi.
Mertz, elmi məlumatların ODNR vəhşi təbiət tədqiqatçıları və Amerika Balıqçılıq Dərnəyi ilə ortaq şəkildə əldə edildiyini və qəzanın ətraf mühitə təsirini anlamaq üçün araşdırmaların 2-3 həftə davam edəcəyini bildirdi.
Ohayo ştatının respublikaçı senatoru Ceyms Devid Vens fevralın 17-də qatar qəzası yaxınlığındakı Lesli Run Creek-dən Twitter-də paylaşdığı videoda axının səthini örtən kimyəvi maddələri göstərib.
Vance videoda deyir: "Bu suyun hər tərəfində ölü qurdlar və ölü balıqlar var. Suyun komponentlərini bir az qaşıyanda kimyəvi maddələrin çıxdığını gördüm.
Gəlin bu insanları unutmayaq, aidiyyatı şəxslərə təzyiqləri davam etdirərək bu problemi həll edək”.
Ohayo ştatında zəhərli kimyəvi maddələr daşıyan qatarın relsdən çıxması nəticəsində qəza baş verib
Fevralın 3-də ABŞ-ın Ohayo ştatının Şərqi Fələstin şəhəri yaxınlığındakı dəmir yolunda kimyəvi maddələr daşıyan 150 vaqondan ibarət qatarın 50 vaqonu relsdən çıxıb və partlayıb.
Partlayış nəticəsində kimyəvi maddə ətraf mühitə yayılaraq ekoloji fəlakətə səbəb olub.
Partlayışlardan sonra ətraf mühitə yüksək miqdarda zəhərli kimyəvi maddələrin yayılması ilə əlaqədar rayon sakinlərinin təxliyəsi qərara alınıb.
Hadisədən sonra mediada baş ağrısı, göz yanması, öskürək, halsızlıq və heyvan ölümləri kimi şikayətlər yayılıb.
Qəzada iştirak edən qatar şirkəti Norfolk Southern verdiyi açıqlamada ərazini ekoloji cəhətdən təmiz bir şəkildə təmizlədiklərini və qəza nəticəsində yaranan itkilərə görə yerli əhaliyə maddi yardım etdiklərini açıqlayıb.
