Səudiyyə Ərəbistanı qlobal səhiyyə sahəsində maliyyə rolunu gücləndirərək World Health Organization-nun (ÜST) ən böyük 10 donoru sırasında yer alıb.
QHT.az xarici mediaya istinadən bildirir ki, ölkə 2025-ci ildə ÜST-ün proqram büdcəsinə ümumilikdə 92 milyon dollar töhfə verib. Bunun böyük hissəsi könüllü ianələrdən ibarətdir və bu göstərici 2024-cü ildəki 31,7 milyon dollardan 85,2 milyon dollara yüksələrək 168% artım nümayiş etdirib.
Səudiyyə Ərəbistanının ayırdığı vəsaitin əsas hissəsi Şərqi Aralıq dənizi regionuna yönəlib. Maliyyələşdirmə əsasən səhiyyə fövqəladə hallarına cavab tədbirləri və poliomielitin aradan qaldırılması proqramlarına sərf olunur.
Digər tərəfdən, Bill & Melinda Gates Foundation ABŞ-nin ÜST-dən çıxmasından sonra təşkilatın ən böyük maliyyə dəstəkçilərindən birinə çevrilib. Bu dəyişiklik ÜST-nin maliyyə strukturunda yeni balans formalaşdırır.
Ekspertlər bildirir ki, Səudiyyə Ərəbistanının artan töhfələri qlobal səhiyyə layihələrinin davamlılığı üçün mühüm rol oynaya bilər.
Piranə Xasiyeva
