Türkiyə prezidenti Rəcəb Tayyib Ərdoğan Qəzza zolağında həlak olanlar üçün üç günlük milli matəm elan edib. Respublika başçısının imzaladığı sərəncamda deyilir ki, “İsrailin mülki şəxslərə hücumları nəticəsində həlak olan və yaralananlarla, habelə xəstəxanaya hücumla əlaqədar Fələstin xalqının ağrısını bölüşmək üçün matəm elan edilib.
QHT.az xəbər verir ki, oktyabrın 21-i gün batana qədər Türkiyədə və onun xarici nümayəndəliklərində bayraqlar yarıya qədər dalğalanacaq. Bundan əvvəl Ərdoğan bütün bəşəriyyəti “bu görünməmiş vəhşiliyi dayandırmaq üçün tədbirlər görməyə” çağırıb.
Qeyd edək ki, Fələstin Səhiyyə Nazirliyi orada 471 nəfərin öldüyünü, 342 nəfərin yaralandığını, əksəriyyətinin İsrailin bombardmanlarından orada sığınan qadın və uşaqlar olduğunu bildirib. Münaqişə tərəfləri xəstəxanaya hücuma görə bir-birini məsuliyyət daşıyır.
Fələstin prezidenti Mahmud Abbas üç günlük matəm elan edib. Suriya, Misir, İran, İraq və Livan da Qəzza zolağında həlak olanlar üçün matəm elan edib.
Pərvanə Fərhadqızı
