Konsaltinq (məsləhət vermə) — öz biznesinin inkişafı ilə maraqlanan korporativ müştərilərə göstərilən xidmət növüdür. 2026-cı ildə beynəlxalq inkişaf sektorunda qısamüddətli konsaltinq müqavilələri işə qəbul prosesində əsas yer tutub. Məluma əsasən, ilin ilk altı ayında onun iş elanları platformasında yerləşdirilən bütün imkanların təxminən yarısını bir il və ya daha az müddətə olan qısamüddətli müqavilələr təşkil edib.
QHT.az xarici mediaya istinadən bildirir ki, bu vəziyyət ötən il genişmiqyaslı ixtisarlardan sonra konsaltinq sahəsinə yönələn beynəlxalq inkişaf mütəxəssisləri üçün ilk baxışdan müsbət görünə bilər. Lakin aparılan təhlil göstərib ki, 2026-cı ildə həm qısamüddətli, həm də uzunmüddətli iş imkanlarının ümumi sayı ötən illə müqayisədə azalıb.
Araşdırmalarda 2026-cı ildə konsaltinq sektorunda əsas işə qəbul tendensiyaları təhlil edilib. Qısamüddətli müqavilələr bir il və ya daha az, uzunmüddətli müqavilələr isə 12 ay və daha çox davam edən işlər kimi müəyyənləşdirilib.
Araşdırmada müxtəlif sektorlar və coğrafi ərazilər üzrə konsaltinq imkanları, həmçinin ən çox məsləhətçi işə götürən təşkilatlar müqayisə olunub. Bundan əlavə, mütəxəssislərin əldə etdiyi gəlirlər də nəzərdən keçirilib.
Müqayisələrin daha düzgün aparılması üçün bütün əməkhaqqı göstəriciləri ABŞ dollarına çevrilib və illik məbləğ əsasında hesablanıb.
Nəticələr göstərir ki, 2026-cı ildə konsaltinq qlobal inkişaf sahəsində çalışan mütəxəssislər üçün mühüm iş mənbəyi olaraq qalır, lakin mövcud imkanların sayı əvvəlki illə müqayisədə azalıb.
