Bədənimizin yanıqlara qarşı unikal immun reaksiyası var.
QHT.az xəbər verir ki, atəşi idarə etmək insanları digər primatlardan fərqləndirib və təkamülümüzə güclü təsir göstərib. Yeni tədqiqatlar göstərir ki, əcdadlarımızın tez-tez yanıq xəsarətləri alması immun sistemimizin formalaşmasına təsir edib. İnsan immun sistemi yanıqlara kəsiklərdən fərqli, daha güclü iltihabi reaksiya verir ki, bu da infeksiya riskini azaltmaq üçün vacibdir.
Alimlər yanmış dəridə aktivləşən 94 geni müəyyən edib və onların bir qisminin insanlarda digər primatlara nisbətən daha sürətli təkamül keçirdiyini aşkarlayıblar. Bu genlər ağrıya və çapıqlara həssaslığı artıraraq zədələnmiş sahələrin qorunmasına kömək edir. Tədqiqatçılara görə, bu adaptasiyalar kiçik yanıqlardan sağ qalmanı yaxşılaşdırsa da, ağır yanıqlara qarşı həssaslığı da artıra bilər.
R.İmanov
