İstilik dalğaları ən azı 1000 il ərzində sənayedən əvvəlki vəziyyətə qayıtmayacaq.
QHT.az xəbər verir ki, sıfır emissiyaya gec çatmaq istilik dalğalarının daha isti, uzunmüddətli və tez-tez olmasına səbəb olacaq. ARC 21st Century Weather Mərkəzi və CSIRO alimlərinin modelləşdirməsinə görə, xalis sıfır hədəfinə 2050-yə qədər hər beş illik gecikmə ekvatora yaxın ölkələrdə ildə ən azı bir dəfə rekord qıran istilik dalğaları yarada bilər.
Araşdırma göstərir ki, istilik dalğaları xalis sıfır əldə olunduqdan sonra belə min il ərzində əvvəlki səviyyəyə qayıtmayacaq. Bu, iqlim sabitləşməsi ilə bağlı optimist proqnozları çətinləşdirir. Alimlər bildirirlər ki, qlobal istiləşməni 1,5–2°C-də saxlamaq belə ciddi nəticələrə gətirib çıxaracaq, gecikmə isə vəziyyəti daha da ağırlaşdıracaq.
BMT-nin proqnozlarına görə, dünya qarşıdakı on ildə 1,5°C həddini keçəcək və bunu yalnız emissiyaların 55% azaldılması yüngülləşdirə bilər.
R.İmanov
