Peşə bacarıqları, gənclər və ətraf mühit sahələrində 2025-ci il yeniliklərlə zəngin oldu.
Bu fikri “Mingəçevir Valideynlər Assosiasiyası” İctimai Birliyinin prezidenti, Əməkdar jurnalist Fərman Nəbiyev QHT.az-a bildirib. O qeyd edib ki, peşə təlimlərində QHT Agentliyinin qrant müsabiqələri vasitəsilə çoxsaylı layihələr maliyyələşdirildi, gənclərə peşə təhsili ilə bağlı təlimlər keçirildi və yeni proqramlar tətbiq olundu:
"Gənclər sahəsində "Yaşıl Təhsil Hərəkatı" kimi layihələr ətraf mühit problemləri üzrə seminarlar və workshoplar təşkil etdi. Ətraf mühitdə COP29 çərçivəsində türk dövlətləri QHT-lərinin iqlim təşəbbüsləri forumu keçirildi, bu da yaşıl inkişafı təşviq etdi. Günəş enerjisi sahəsində isə yeni stansiyalar (məsələn, Biləsuvar, Şəms və Üfüq) istifadəyə verildi, ümumi güc minlərlə MVt artdı. Nəticə olaraq, QHT-lər vasitəsilə minlərlə gənc peşə bacarıqları qazandı, ekoloji layihələrdə isə yeni platformalar yaradıldı. Ümumilikdə, bu sahələrdə dövlət-QHT əməkdaşlığı gücləndi. Düşünürəm ki, daha çox resurs və inklüzivlik olarsa, daha böyük və əhəmiyyətli layihələri gerçəkləşdirə biləcəyik".
