Fransadan Qanaya uçan Air France təyyarəsinin göyərtəsində sərnişinin portativ şarj cihazının həddən artıq qızması və tüstülənməyə başlamasından sonra az qala yanğın baş verib.
QHT.az xəbər verir ki, qorxulu hadisə təyyarə havaya qalxdıqdan təxminən üç saat sonra baş verib. Hadisənin şahidlərindən biri bildirib ki, bir anda yanan elektronikanın iyini hiss edib və qabaqda oturan sərnişinə məxsus akkumulyatorun tüstülənməyə başladığını anlayana qədər əvvəlcə əşyalarını yoxlamağa başlayıb. Sonra kişi qonşunun akkumulyatorunun təyyarə oturacağının enerji mənbəyinə qoşulduğunu və ona qoşulmuş mobil telefonu enerji ilə doldurduğunu aşkar edib. Telefon sahibi olan sərnişin yuxuda olub. Stüardessalar "nümunəvi peşəkarlığını" işə yarayıb, uçuş davam edib və təyyarə sağ-salamat Akkraya eniş edib.
Son vaxtlar təyyarələrin göyərtəsində litium batareyalarının alışma sayında kəskin artım müşahidə olunur. ABŞ Federal Aviasiya Administrasiyası sərnişinlərə elektron cihazlarını 30% və ya daha az enerji ilə doldurmağı təklif etdi, çünki bu, həddindən artıq istiləşmə riskini kəskin şəkildə azaldır. Agentlik həmçinin lazımsız qadcetləri söndürməyi və mümkünsə uçuş zamanı cihazları doldurmaqdan çəkinməyi təklif edib.
Bir çox aviaşirkətlər sərnişinlərə nəzarətsiz olduqları halda, o cümlədən yatarkən cihazlarını doldurmağı qadağan edirlər.
Pərvanə Fərhadqızı
