Nigeriyanın Lagos şəhərində fəaliyyət göstərən Inner Wheel Club of Lagos West yeni humanitar layihələr paketini açıqlayıb.
QHT.az xarici mediaya istinadən bildirir ki, təşkilatın 8 sentyabr tarixli məlumatına görə, layihələr əsasən həssas sosial qrupların dəstəklənməsinə yönəlib. Yardım proqramına dul qadınlar, yaşlı insanlar, kiçik sahibkarlar və aztəminatlı icmalarla yanaşı, məktəblər və dövlət səhiyyə müəssisələri də daxildir.
QHT layihələr çərçivəsində ehtiyacı olan insanlara sosial və humanitar dəstəyin göstərilməsini, həmçinin səhiyyə və təhsil sahəsində imkanların yaxşılaşdırılmasını hədəfləyir.
Təşkilat bu cür təşəbbüslərin yerli icmaların həyat şəraitinin yaxşılaşdırılmasına və sosial müdafiəyə ehtiyacı olan insanların dəstəklənməsinə töhfə verəcəyini bildirib.
