Dietoloq Molly Hembree yuxusuzluqla mübarizə apara biləcəyinə inandığı qidaları sadalayıb.
QHT.az xəbər verir ki, Hembreenin yuxunu yaxşılaşdırmaq üçün ilk məhsul albalını qeyd edib. Onun sözlərinə görə, giləmeyvə yuxu və oyaqlıq fazalarına cavabdeh olan melatonin ehtiva edir: “Albalı və ya konsentratlaşdırılmış albalı suyunun müntəzəm istehlakı ilə gecə istirahətinin müddəti və keyfiyyəti artır. Fıstıq, süd və yumurta da rahat yuxu üçün yaxşıdır, çünki onların tərkibində melatoninin xəbərçisi serotonini meydana gətirən bir amin turşusu olan triptofan var”.
Dietoloq həmçinin bildirib ki, balqabaq tumu kimi maqneziumla zəngin qidalar yuxusuzluqla mübarizə aparmağa kömək edə bilər. O, maqnezium çatışmazlığının gecə yuxusunu pozduğunu və gündüz yuxululuğuna səbəb olduğunu izah etdi: "Kalsium çatışmazlığı yuxu keyfiyyətinə də zərər verir. Uzun müddət yata bilməyən insanlar üçün pəhrizlərinə daha çox süd məhsulları əlavə etməyi tövsiyə edirəm”.
Pərvanə Fərhadqızı
