Alimlərin yeni araşdırması göstərib ki, Uran Günəşdən aldığı enerjidən 12,5% artıq istilik yayır. Bu isə planetin hələ də öz ilkin tarixindən qalıq istiliyini saxladığını sübut edir.
QHT.az xəbər verir ki, 1986-cı ildə “Voyager 2”nin məlumatlarına əsasən Uranın daxili istiliyi yoxdur kimi görünürdü. Lakin Hyuston Universitetinin alimləri 1950–2022-ci illər arasında aparılan teleskop müşahidələri və modelləşdirmə ilə sübut ediblər ki, əvvəlki nəticələr yanıldıcı olub.
Mütəxəssislərə görə, bu kəşf Uranın yaranması və təkamülü barədə mühüm ipucları verir. Tədqiqatçılar bildiriblər ki, Uran Günəşdən aldığı enerjidən çox istilik yayır, lakin bu, digər nəhəng planetlərlə müqayisədə xeyli azdır. Yupiter, Saturn və Neptun daxili mənbələr hesabına daha çox istilik buraxır.
Alimlərin fikrincə, Uranın fəsillər üzrə kəskin dəyişiklikləri səbəbindən “Voyager 2” 1986-cı ildə bu artıq istiliyi aşkar etməmiş ola bilər.
R.İmanov
