İsrail Qəzzada qırğınlarını davam etdirərkən, İran və Pakistanın bir-birini bombalaması ilə böhranın daha geniş bir coğrafiyaya sıçraması ilə bağlı narahatlıqlar artdı.
QHT.az xəbər verir ki, ötən gün İranın Pakistan ərazisini raketlərlə vurmasından sonra İslamabad administrasiyası dünən İranın sərhəd bölgəsini bombalayaraq “qisas aldı”. HƏMAS -ın 7 oktyabr basqınından sonra İsrailin Qəzzaya hücumları ilə Yaxın Şərqdə başlayan yanğın bölgədən daşaraq Asiyanın cənubuna da yayılıb. Yəməndəki Husi qüvvələrinin Qəzzada müqavimətə dəstək olaraq Qırmızı dənizdə İsrailə bağlı ticarət gəmilərinə hücum etməsindən sonra artan gərginlik İranda intiharçı hücumlar, İran-Hizbullah oxunun mühüm simalarına sui-qəsdlər və ABŞ-la pik həddə çatıb. Yəmənin bombalanması. Bütün bunların ardınca Tehran administrasiyası Suriyanın şimalını, İraqın Ərbil şəhərini və Pakistanın sərhəd rayonlarını bombalaması ilə müharibənin qızışması Cənubi Asiyaya keçdi. Pakistanın İrana cavabı eyni dərəcədə sərt olub. İslamabad rəhbərliyi İranın Sistan-Bəlucistan əyalətini “terror təhlükəsi” səbəbi ilə raketlərlə vurub. Pakistanın hücumlarında 3-ü qadın, 4-ü uşaq olmaqla 9 nəfərin həyatını itirdiyi bildirilib.
Pərvanə Fərhadqızı
