Braziliya paytaxtının hakimiyyət orqanları dang qızdırması hallarının kəskin artması səbəbindən fövqəladə vəziyyət elan edib. Bu barədə regional hökumətin rəsmi onlayn bülletenində məlumat verilib.
QHT.az xəbər verir ki, sənədin mətnində deyilir: "Xəstəliyin kəskin artması və dang epidemiyası riski ilə əlaqədar ictimai səhiyyədə fövqəladə vəziyyət elan edilib". Fərman paytaxt Braziliya şəhərinə, eləcə də paytaxt regionuna daxil olan şəhərətrafı ərazilərə şamil edilir. Xəstəliyin baş verdiyi bölgənin ümumi əhalisi təxminən 5,7 milyon nəfərdir.
Səlahiyyətlilərə görə, ilin əvvəlindən bəri dang qızdırması hallarının sayı 2023-cü il üçün eyni rəqəmləri 646% ötüb. Yanvarın 1-dən 16 mindən çox insan rəsmi olaraq xəstə sayılır. Keçən il, eyni dövrdə, xəstəliyin təsdiqlənmiş cəmi 2 minə yaxın hadisəsi var idi. Bu il bölgədə yağıntıların qeyri-adi yüksək olması vəziyyəti çətinləşdirir. Bu, xəstəliyin əsas daşıyıcıları olan Aedes Aegypti ağcaqanadlarının yayılmasını asanlaşdırır.
Pərvanə Fərhadqızı
