QHT.az xarici KİV-ə istinadən xəbər verir ki, yeni araşdırmaya görə, gündəlik multivitamin qəbulu yaşlı insanların fiziki aktivliyini və müstəqil həyat tərzini daha uzun müddət qorumasına kömək edə bilər.
Tədqiqatda 60 yaşdan yuxarı 16 mindən çox insan iştirak edib. Üç il davam edən müşahidələr zamanı hər gün multivitamin qəbul edən iştirakçıların gündəlik fəaliyyət göstəricilərinin plasebo qəbul edənlərlə müqayisədə daha yaxşı olduğu müəyyən edilib.
Alimlərin sözlərinə görə, multivitaminlər gündəlik işləri yerinə yetirmək, pilləkən qalxmaq, yerimək və ümumi fiziki dözümlülüyün qorunmasına müsbət təsir göstərə bilər. Bununla belə, mütəxəssislər vurğulayırlar ki, multivitamin sağlam qidalanma və fiziki aktivliyi əvəz etmir və istifadədən əvvəl həkimlə məsləhətləşmək tövsiyə olunur.
