"Kraken" kimi tanınan XBB.1.5 variantı indiyədək 29 ölkədə müşahidə edilib. Virusun yayılmasını göstərən xəritələr narahatlıq yaradır.
QHT.az xəbər verir ki, 3 il əvvəl həyatımıza daxil olan koronavirus pandemiyası həm fərdi həyatımızda, həm də bütün dünyada çox şeyi dəyişdi.
Bu il geniş yayılmış peyvənd kampaniyaları və təbii toxunulmazlıq sayəsində dünya miqyasında yüngülləşmə müşahidə edilsə də, ilk dəfə oktyabr ayında Nyu-Yorkda ortaya çıxan yeni variant dünyanı yenidən həyəcan vəziyyətinə saldı.
"Kraken" kimi də tanınan XBB.1.5 variantı Ümumdünya Səhiyyə Təşkilatının (ÜST) məlumatına görə, pandemiya başlayandan bəri müşahidə edilən ən yoluxucu ştammdır.
Dünən verilən açıqlamada ÜST-nin bu variantın Avropa və ABŞ-da yayılmasından narahat olduğu bildirilib və "BB.1.5 dövriyyədə olan digər variantları tez bir zamanda əvəz etdi. Bizim narahatçılığımız bunun nə qədər yoluxucu olmasıdır.. Bu virus nə qədər çox dövr edirsə, bir o qədər dəyişməyə ehtiyac duyur." bəyanatları daxil edilmişdir.
Yeni variant indiyədək 29 ölkədə aşkar edilib. ABŞ-da koronavirus hadisələrinin 40 faizindən çoxunun XBB.1.5 səbəb olduğu təxmin edilir. Bu, onu ölkədə dominant növ edir.
İlk dəfə oktyabrın ortalarında ABŞ-da peyda olan yeni variantın cəmi bir neçə ay ərzində 29 ölkəyə necə yayıldığını göstərən xəritələr narahatlıq doğursa da, Krakenin köhnə variantlardan daha təhlükəli olub-olmadığı hələ aydın deyil.
