ABŞ Prezidenti Donald Tramp ABŞ-da maliyyə, beynəlxalq inkişaf və kommunikasiya sahələrində çalışmış dövlət və beynəlxalq təşkilat rəsmisi olan Elliott Hulse-u Minilliyin Çağırış Korporasiyasının (MCC) baş icraçı direktoru vəzifəsinə namizəd göstərib.
QHT.az xarici mediaya istinadən bildirir ki, hazırda Hulse Beynəlxalq Valyuta Fondunda ABŞ-nin icraçı direktoruna məsləhətçi kimi çalışır. O, daha əvvəl ABŞ Maliyyə Nazirliyində ictimaiyyətlə əlaqələr üzrə katib köməkçisi vəzifəsində fəaliyyət göstərib. Hulse həmçinin Dünya Bankında kommunikasiya sahəsində çalışıb.
Hulse-un vəzifəyə başlaması üçün əvvəlcə ABŞ Senatında dinləmədən keçməsi və senatorlar tərəfindən təsdiqlənməsi tələb olunur. Konqresin noyabrda keçiriləcək aralıq seçkilərdən əvvəl məhdud sayda qanunvericilik günü qalması səbəbindən təsdiq prosesinin vaxtı hələlik məlum deyil.
